Nizana West Bengal Raj Bhawan-a a riah hnuin Mizoram Governor tura ruat Pu Vakkom B. Purushothaman leh a nupui te chuan vawiin chhun dar 12:00 khan Kingfisher thlawhnain Lengpui Airport an lo thleng ta. Kolkata atanga anmahni rawn tawiawmtu Chief Minister Pu Lal Thanhawla te nupa chuan Mizoram leilung an rawn rah hian lawmna pangpar an hlan a ni.

Larsap thar lo hmuaktu mi pawimawhte zingah Speaker Pu R.Romawia leh Dy. Speaker John Rotluangliana, Minister-te Pu H.Liansailova, Pu Lalsawta, Pu J.H.Rothuama, Pu H.Rohluna, Pu Zodintluanga, Pu Nihar Kanti Chakma leh Pu P.C.Lalthanliana, Chief Secretary Pu Vanhela Pachuau, DGP Pu Lalrokhuma Pachuau, CADC CEM Adikanta Tongchongya, LADC CEM Ngurlianchunga, MADC Chairman Pu Zase, Advocate General Pu Biswajit Deb leh Assam Rifles DIG Pu S.P.Rawat te an tel.

Lengpui Airport an lo thlenin Chief Minister chuan a thawhpui Council of Ministers leh sorkar mi pawimawhte a hmelhriattir a ni.