Vawiin khan Art & Culture Minister Pu P.C. Zoramsangliana chu film star hranghlui Pi Zeenat Aman, media lamah hmingthangte leh mi pawimawh dangten pawl an din ‘Sahulia’ tihah Patron ni turah an ngen angin New Delhi a Hotel Taj Palace-ah meeting a neihpui a.
Meeting-ah hian Pi Zeenat Aman leh a pawlte hian an pawl thil tum leh hmalak mek dan chungchang te Pu P.C. Zoramsangliana an hrilh a. Mipui hriselna atan te, Disaster Management lama India khawpui lianah Centre siam dan tur leh Hmarchhak tan Resource Centre Kolkata a bun an tum thu te pawh an hrilh bawk a. Tourism leh Culture tih hmasawnna kawnga Mizoram Sorkar thawhpui an duh thu an sawi a. Minister chuan Mizoram hmasawnna tur kawnga, an lo tih ve theih a awm chuan thil tha tak anih thu leh sorkar lam pawh a inhawn thu a hrilh a ni.
State Program lian tham ah Minister hian Pi Zeenet Aman hi Mizorama la zin turin a sawm nghal a,Pi Zeenet Aman chuan Mizorama lo zin a chak thu leh a theih phawt chuan an pawl hmalakna lam hawi ah chuan inthlahrung miah lohva hrilh turin a ti. Thawhtanni a avangin Luangmual Football Club in Delhi a I-League 2nd Division Match an khelh tur en turin meeting a tel mi pawimawh te hi a sawm a, anni pawh hian en ngei an tum thu an hrilh nghal a ni.
