Transport Minister Pu P.C. Zoram Sangliana chuan vawiin ni 23.4.2013 khan Union Shipping Minister, Pu G.K. Vasan chu a office chamber, Transport Bhawan, New Delhi ah a hmu a, Tuichawng leh Khawthlang Tuipui a Inland Water Transport development Rs. 26.97 Crores senga siamna tur project proposal a sawipui. Minister hi Pu R.Lalvena, transport Secretary, Pu Rotluanga, Chief Consultant, North East E.I.R.I leh Pu V. Zaithanmawia, Asst. Resident Commissioner, New Delhi ten an tawiawm a, Union Minister-in a ruahmanna angin hemi chungchang hi IWT hmunpui Noida-ah sawi chhunzawm nghal a ni a, technical thil la chinfel ngaite chingfel turin Project Engineer ten 10.5.2013 hian New Delhi ah an sawiho leh ang a, hemi chinfel a nih veleh hnathawhna tur sum hi sanction turin thu an dah ani. Union Shipping Minister hi a Secretary leh OSD bakah Special Adviser, IWT (Shipping Ministry) ten an tawiawm bawk.

Minister hian vawiin vek khan Union Culture Minister Pi Chandresh Kumari Katoch chu a office chamber, Shastri Bhawan-ah a hmu nghal bawk a, Heritage Village, Aizawl District a dinna tur ruahmanna Rs. 25.00 crores man leh Kawtchhuahropui, Vangchhia, Champhai District a khualbuk sakna tur Rs. 5.00 crore man leh Museum of Modern Art Aizawl a dinna tur Rs. 5.00 crore man concept paper pein a sawipui a. Union Minister chuan Heritage Village siam hi India ramah Culture Ministry in a la tih ngailoh a ni na a, hma lakpui theih dan a lo ngaihtuah tur thu a lo hrilh a ni. Project dang pahnih chungchang pawh hi a theihtawpa lo bawhzuisak a intiam bawk.

Attachment

  • Loading attachment...