1774/2023-2024

Vawiin khan Pu Lalhmingmawia Ralte lehkhabu ziah ‘Pathian Mi Hriat Lalramzauva Ralte Chanchin Ngaihnawm’ tih chu Art & Culture Minister Pu R. Lalzirliana chuan a office chamber-ah a tlangzarh.

Dr. H. Laldinmawia’n lehkhabu thlirlawkna hun a hman hnuah Minister Pu R. Lalzirliana chuan thusawiin he lehkhabu hi mi mal chanchin ni mahse ringtu zawng zawng tan lehkhabu chhawrnaawm tak tur niin rawngbawlna kawnga midangte fuihtu tha tak a ni a beisei thu a sawi a. Zirlaite syllabus-ah hian la tel thei se tiin duhsakna a hlan a ni.

Vawiina lehkhabu tlangzarh tak hi phek 336 zeta chhah a ni a; Synod Bookroom hrang hrangah Rs.250/- in lei theih a ni ang.