Art & Culture Minister Pu PC Zoram Sangliana chu sorkar thil pawimawh tiin Guwahati leh Kolkata ah a kal.

Guwahati ah hian 27.10.2012 (inrinni) khan NEZCC Silver Jubilee lawmna ‘Peace Concert’ ropui tak Pragiyoti I.T.A Centre, Machkhowa hmunah a tel a. hetah hian NEZCC Chairman ni mek Nagaland Governor leh a nupui; Assam Governor te nupa; Assam Chief Minister te nupa an tel a. He Peace Concert a changtupa ber te chu Shri Astar Amzat Ali Khan (Padma Bhusan Awardee) leh a fate pahnih an ni.

Hemi zawh hian ni 28.10.2012 nilengin NEZCC Governing Body Meeting leh Executive Committee, Brahmaputra Ashoka Hotel ah a tel a. Mizoram tana cultute lam hmasawnna turte a sawi bawk.

Hemi hnu hian Kolkata lamah chhuk lehin Museum Director leh mi pawimawhten Salt Lake, Mizoram House hmu in, Zofate chanchin Hindi a ziak thehdarh dan tur leh Indian Museum-ah Diorama-Mizote lim, Mizo Identity tilang tur dah ve dan tur a sawipui a. Indian Museum Director leh a thawhpuite chuan theih tawp a hmalak an tum thu Minister hi an lo hrilh. Minister hi Pu Lalchuailova, Mizoram State Museum Curator in Kolkata, Indian Museum hmunah hian a tawiawm a ni.