A.H & Vety. Farm, Selesih Training Centre-ah National Project on Cattle & Buffalo Breeding (NPCBB) State Implementation Unit (SIU) leh AH & Vety Department tangkawpin bawng chi tha chi hman dan leh kaihhruai dan district hrang hranga Doctor thlan bikte hnenah zirtirna pek a ni.
He training hi Dr. Lalrinawma, KVO in kaihruaiin Dr. L.B. Sailo, Director, AH & Vety chu khuallian a ni a. Training a lokal doctor thlan bikte hnenah an district chhunga nasa zawka hna thawk turin fuihna a nei a. Liquid Nitrogen Plant Lunglei-ah hawn thuai a nih tur thu leh A.I. Pig tih len thuai anih tur thu a sawi bawk.

Dr. B. Lallawmsanga leh Dr. Thanseia te chu Resource Person niin anni hian ran kah rai chungchang a tul bik leh enkawl dan chungchang zirtirna an pe. Chawhnu lamah training a lokal ten practical training an nei bawk.