Pu Lalrinliana Sailo, Health & Family Welfare Minister chuan ni 14.6.2010 ah khan Aizawl chhuahsanin Khawzawl-ah Presbyterian English School  in kumin a an result that lawmna ni fawm a School Day an hman chu khuallian niin a hmanpui. 
Chawhnu lamah Khawzawl Damdawiin a Satellite Eye Centre, khum 8 awm theihna Rs. 31 lakh senna tur sak mek en pahin Horticulture Building hlui Health Department nen inremsiama an chhuahsan tak chei that dan te leh Quarter dang sak dan turte Department hotute nen an thlirho nghal a. Ni 15.6.2010 khan Khawzawl Vengthar Branch YMA Platinum a hmanpui bakah Jubilee lungphun a hawng nghal bawk. Tlai lamah Champhaiah riak chhovin zingah Champhai Hospital khum 100 awm theihna tura ruahman Rs. 24 crores zet senna tur sak mek chu a hmunah a tlawh leh a, a hmanrua lakkhawm sa Brick, Rora leh Balu te chu duhthu a sam loh avangin hmang lo turin a hrilh nghe nghe a. CMO, Champhai in  Damdawi In hmanraw hlui a Staff Rest House tur a lo sak room 3 nei pawh a tlawh a. Hei hi ni 2.6.2010 ah khan Bialtu MLA Pu T.T. Zothansanga'n a hawng a ni. Heta tang hian Zokhawthar lamah kalin Indo-Myanmar Border Trade ruahmanna kal zel atana pawimawh tak Rs. 169 lakhs senna tur Ware House, Trade & Commerce Department in an sak mek a tlawh leh a. Hei bakah hian Business Stall leh Business Mall sakna tur hmun te enin a sak dan tur te pawh department lam hotute nen an sawiho nghal a ni.

Minister hi Aizawl atangin Health Department leh Trade & Commerce Department Senior Officer ten an tawiawm bakah, Champhai atangin  DC, CMO, Addl. SP leh khawtlang hruaituten an tawiawm  a, vawiin khan Aizawl a rawn let leh a ni.