300/2025-2026

23rd April, 2025 : Vawiin (April 23, 2025) khan LushAITech Company leh Darlawn RD Block tangkawpin RD block huamchhunga sawrkar hnathawk leh khawtlang hruaitute tan Artificial Intelligence zirchianna Training an buatsaih.  LushAITech atanga zirtirtute hi Pu Lawmna Kima, CEO - LushAITech leh Robert Lalramhluna, Vice Prsident - LushAITech te an ni. He program hi Bialtu MLA, Leader of Opposition ni bawk Pu Lalchhandama Ralte hmalakna a buatsaih a ni a, he hunah hian AI nihphung te, AI in khawtlang leh mimal, Office leh Kohhran thleng a nghawng dãn te zirho a ni. He hun hmang tür hian sawrkar hnathawkte bakah VC, YMA leh Kohhran hruaitute an tel.

He hun hi session hniha kalpui a ni a, session khatna ah Mizo AI chatbot chhuak thar LushAI-Chat chungchang zirhona neih a ni a, Mizotawng ngeia sermon buatsaihna te, Mizoram election te leh Document AI te zirho a ni.

Session hnihna ah hian AI hnathawh dãn leh AI nihphung zirho leh a ni.

He training ah hian AI pawimawh zia leh tute pawhin kan hriat chian deuh deuh a ṭul zia sawiho a ni a, AI chungchang a hriatchian duh neite tan LushAITech chuan community group (whatsapp) ah an siam nghal a, hetah hian AI hriatchian duh te tan zawhna zawh zêl theih a ni ang.