Vawiin khan Association for Environmental Preservation (ASEP) hruaitute chuan Mizoram Chief Secretary Pi L. Tochhawng chu a pisa-ah hmuin; kumin November ni 6-a hman zawh tak, ASEP General Assembly vawi kuana-a Resolution pass tak te chak taka bawhzui a nih theihna turin CS hnenah ngenna an thlen.

Chief Secretary chuan heng resolution-te hi ram leh hnam tana thil pawimawh tak takte a nih avangin theihtawpa bawhzui a tul thu leh theihtawp chhuahpui a duh thu ASEP hruaitute hi a lo hrilh a, Chief Secretary chungah hian ASEP chu a lawm tak meuh meuh a ni.

Chief Secretary hnena thlente chu hengte hi a ni:-

1.        Kan luidung nungchate tha zawk leh khauh zawka humhalh an nih theihnan, Mizoram Fisheries Act, 2002 hi a taka hman theihturinsorkarin chak takin hma la rawh se.

2.         Tualchher silai (Unlicensed Gun) te hiankannungcha tam tak a tihrem avangin sorkarin khauh zawkin khuahkhirhnasiamrawh se.

3.         Silai license hi Crop protection atana pek chhuah a ni ber a, mahse nungchate tih chereu nana hman nasat a nih em avangin The Arms Act, 1959 in a sawi “Sorkarin nungcha humhalhna atan a tul a ti anih chuan, thlai seng zawhah order tichhuakin licence nei silaite PoliceSstation a tung vek turin a hriattir thei ang a, license neitu in a zawm ngei tur a ni,” tih hi a takin sorkar hian kalpui se.

4.         Mizoram tana ramhmul tha lo, invasive plants pahnih- Shillong par (Lantana camara) lehBiharhlo (Ageratina adenophora) te hi sorkar hian a nuaibo dan kawng rang takin ngaihtuah rawh se, tih te an ni. 

ASEP-in State CAMPA bultuma sikul hrang hranga Campaign a neih mek chu chhunzawm zel a ni a; tun kar kalta chhung khanGovt.ChitePrimary Schoolleh Govt. Maubawk Primary School-ah te hlawhtling takin campaign neih a ni. He Campaign atang hian zirlai naupang 13 zetin an sairawkherh surrender -in nungcha humhalh turin an intiam a. Zirlaite hian thutiam (pledge) “Kan ram rohlu ramngaw leh nungchate venghim a, humhalh tlat turin ka intiam e” tih an sawirual ziah thin bawk a ni.