Compensatory Afforestation Fund Management and Planning Authority (State CAMPA) bultumin Association for Environmental Preservation (ASEP) chuan ramngaw leh nungcha humhalh kawnga inzirtirna ‘Environmental Awareness Campaign’ chu sikul hrang hrangah a kalpui mek.

Ni 31 October, 2013 khanGovt.TuikualMiddle Schoolleh Govt. Zemabawk High School-ah te Campaign neiin, zirlai naupang 300 chuang zet hnenah zirtirna pek an ni. Hemi hma hian Goodwill Foundation School ah te,Govt.HuntharPrimary Schoolleh thingtlang hmun thenkhatah te campaign neih ni tawhin, sikul hrang hrang leh thingtlang hmun hrang hrangah la neih chhunzawm zel a ni ang.

He campaign programme-ah hian ASEP President Pu K. Lalmuansanga chuan zirlaite hnenah zirtirna pein, Mizoram chu khawvel pum huap pawha nungcha chi hrang hrang tam bikna, Bio-diversity hotspot zingah a tel thu te, khawvel huap pawha ramsa hlu bik leh humhalh tlak bik eng emaw zat leh ramngaw pawh humhalh tlak kan la neih thute sawiin, zirlai naupangte chu ramngaw leh nungcha humhalhna kawngah theihtawpa tan la tur leh ram tikang lo tura fimkhur turin a fuih bawk.

ASEP Sr. Vice President Pu H. Lalhmunsiama chuan sava hram dan hrang hrang entir pahin zirlai naupangte hnenah zirtirna tha tak a pek bakah, zirlai naupang kalkhawmte chuan thutiam (pledge) sawi rualin, ramngaw leh nungcha humhalh turin an intiam theuh bawk a ni.

Attachment

  • Loading attachment...