Nimin chawhnu dar 2 khan Champhai DC Conference Hall-ah Inthlanpui lo awm tur atan a Model Code of Conduct chungchang sawiho na Pu Zoengsanga Addl.DC kaihhruaina in Party hrang hrang aiawh kalkhawm te leh official ten meeting an nei.
Pu Zoengsanga chuan Model Code of Conduct chu hriat sa a nih rual in sawiho tur leh zawm tur dan leh dun awm feng a ni tih sawi in Party aiawh kalkhawm te chu he Model Code of Conduct chungchang hi Party lam thawhpui te leh midang te hnen a sawi darh tur leh zawm ngei tura hriattir turin a ngen nghal a.
Midang in min thlir renga min entawn a ni tih hriain Party tin te chu Election Model Code of Conduct bawhchhe lo tur leh complaint theh luh ngai lo turin thianghlim tak a inthlan hmachhawn theih a tha tih sawi in complaint tur nei tan finfiah theih a nih chuan ziak kher lo pawhin phone hmang pawh in a tih theih a, duhdanah chuan ziak ngei nise a tha a, mahse dawt a ni tur a ni lo, action pawh lak nghal mai theih a ni tih chiang takin Pu Zoengsanga chuan a hrilhfiah a complaint tur nei tan chuan phone hmanga biakpawh na tur chu Model Code of Conduct Complaint room No. 03831 235604 ah biak tur a ni.
Election Notice hi tihchhuah mai theihin a awm tawh a, naktuk atang in Nomination Form pawh tih tan tur a ni a. Candidates Nomination file tur chu RO Room-ah mi 5 bakin an zui lut tur a ni lo a, Form chu Column tin dahkhah (fillup) ngei tur, fillup that loh chuan Candidate tan a nghawng fel lo a ni thei a ni. Chuvangin Form Fillupah fimkhur em em tur a ni.
Party thilah VIP Light chhit theih a ni lo a, aurinna (loud speaker) chu party campaign nan zing dar 6 atanga dar 10 thleng bak tih rik phal a ni lo. District Election Office, Keifangtlang bulhnaiah pawimawh bik thil a nih loh chuan motor luh phal loh a ni thuai bawk ang. Candidate te vote tura pawisa sem te, chi leh chi ti chhe zawnga chet te phal loh a ni bawk.
Pu Zoengsanga Addl. DC chuan Code of Conduct chungchangah sawi duh nei leh zawhna chhanna hun hawngin kalkhawm ten sawiho na tha tak an nei a, party leh Election kaihhnawih reng rengah chuan Conference hrang hrang te meeting te motor veivahna etc. chu candidate bank account atanga paihsak zel tur a ni tih sawinawn leh in fair tak leh thianghlim taka Inthlanna neih a nih theih nan theihtawp a tan la tur a chahin, party hrang hrang aiawh te chu boruak tha leh sawisel kai lo a hma la turin a ngen a, harsatna ah pawh in hrilh hreh lo turin a sawm nghal bawk a ni.
Pu Alan Lalthanzara SDC chuan tun Inthlan lo awm tur a hriattur pawimawh MCMC leh SVEEP etc,. chungchang te sawi fiahna hun a nei a, tunah hian Observer pakhat lo thleng tawh in zaninah pakhat a lothleng leh ang a, naktuah Observer ho hian Committe DC Conference Hall-a neih a nih hnu in 21/22 Kawlkulh II, 23/28 Awmpui Veng leh Voters Registration Education Center etc. te a tlawh nghal ang.
