2121/2025-2026
Siaha the 8th Nov 2025:
ORDER
District AH & Vety. Officer, Siaha District, Siaha hnen atanga hriattirna kan hmuh angin tun dinhmunah Siaha Khawpui chhung veng hrang hrangah Vawk thi engemawzat a awm a, heng vawk te hi Diseases Investigation Laboratory, Aizawl leh NERDDL, Guwahati, Assam-ah te African Swine Fever (ASF) avanga thi an ni tih finfiah (confirm) a ni tawh a, Siaha Khawpui chu infected Arca a puan a lo nita a ni.
Siaha Khawpui chhunga Vawk thi te hi tun dinhmunah ziaawm lam pan mahse, a dam/hri kailo tamtak an la awm avangin fimkhur a ngai hle a, hrileng thawhhnihna a thlen lohnan leh Siaha District huamchhunga khaw hrang hranga kan Vawk te hri laka an lo him theih nan leh hrileng mek hi danchah a nih theih nan khuahkhirhna thupek 'Order' chhuah chhunzawm a lo tul ta a ni.
Chuvangin, kei, VL HRUAIZELA KHIANGTE, DISTRICT MAGISTRATE, SIAHA DISTRICT, hian Section 163 of Bharatiya Nagarik Suraksha Sanhita, 2023-in thuneihna min pek angin, hetiang hian thupek ka chhuah e.
1. Thuleh awm hma chuan Siasi khua atangin Vawk leh Vawksa khawdangah hralh emaw thawn chhuah khap tlat a ni.
2. Siaha khawchhungah Vawk lakluh a nih dawnin, tupawhin khua atanga 2 Km-a hla ah an Vawk te ASF hri lakah an him em tih ASF Rapid Test Kit hmangin Veterinarians ten an test vek tur a ni. Hri laka him te chiah Siaha khawchhungah Document 1171.pdflakluh phal a ni ang. Tin, ASF Test Kit man leh Veterinarians te veivahna senso hi ran neitute tum vek tur a ni ang.
3. Siaha Khawchhungah Vawk talhtu ten Vawk hrisel tha chauh an talh tur a ni. An talh dawnin Veterinary Officer atangin Soundness Certificate an nei ngei ngei tur a ni.
4. Vawk damlo reng reng talh khap tlat a ni a, Vawk damlo chu dah hran vat tur a ni.
5. Vawk thi leh suat (culled) tur nei te chuan A.H & Vety Department ah in report ngei ngei tur a ni.
6. Siaha District huam chhungah Ram dang/State dang leh District dang atangin Vawk, Vawksa leh Vawksa atanga eitur siam chi reng reng lakluh khap tlat a ni.
Hemi dan bawhchhetute chu Section 223 of Bharatiya Nyaya Sanhita, 2023 hmanga na taka hrem an ni ang.
He thupek hian chhuah a nih atanga thla hnih (2) chhung a huam ang
He thupek hi nemnghetin vawiin ni 07th November, 2025 hian hming ka ziah hnan e.
