3909/2024-2025
Khawzawl, dated 22nd January 2025: Khawzawl DC Pu K. Vanlalthiana chuan African Swine Fever (ASF) leng mek denchhenin hetiang hian thupek a chhuah.
ORDER
Tunlai hian Mizoram hmun thenkhatah African Swine Fever (ASF) natna leng mek chuan kian lam a la pan thei lo a. He hri laka Khawzawl District mipuite kan fihlim theihna türin a hnuaia târlan ang hian khuahkhirhna thupêk chhuah a țul a.
Chuvangin, kei, K. VANLALTHIANA, DISTRICT MAGISTRATE, KHAWZAWL DISTRICT chuan Section 163(1) BNSS, 2023 in thuneihna min pêk angin a hnuaia thupêk hi ka chhuah e :-
1. Khawzawl District huam chhungah India ram pawn leh ram chhung State dang leh District dang atangin vawk, vawksa leh vawksa atanga siam thil rêng rêng läkluh leh thawn chhuah phal a ni lo.
2. Vawk damlo reng reng talh leh hralh khap tlat a ni. Vawk damlo reng reng chu dah hran vat tur a ni. Vawk thi reng reng thuk taka phum bo tur a ni.
3. Vawk damlo leh thi a awmin District AH & Vety Department Official-te hnenah report vat thin tûr a ni.
4. Tualchhung vawk talh tur reng rengin vawk hrisel tha ngei a ni tih finfiahna competent authority ațangin an nei ngei tur a ni.
He thupêk zawm lote chu Section 223 BNS hmanga hrem theih an ni ang. Tin, he khapna thupêk hian thupêk dang tihchhuah a awm a nih loh chuan, thupêk chhuah a nih atanga thla hnih chhung a huam ang.
Tin, He thupêk hi vawiin Ni 20 January, 2025 hian District Magistrate Seal-a nemin ka hming ka ziah hnan e.
