3908/2024-2025
Khawzawl, dated 22nd January 2025: Khawzawl DC Pu K. Vanlalthiana chuan zirna in bula ruihhlo leh a kaihhnawih zawrh khapna leh naupang kum 18 hnuai lam hnena hralh khapna thupek hetiang hian a chhuah.
ORDER
Khawzawl District chhunga zirna in te a lo thianghlim zawk nan leh kum 18 hnuai lamte ruihhlo laka kan fihlim theih nan thupek hmanhmawh taka chhuah a tulin ka hria a.
Chuvangin, kei, K.VANLALTHIANA, DISTRICT MAGISTRATE, KHAWZAWL DISTRICT chuan Bharatiya Nagarik Suraksha Sangita (BNSS), 2023 Section 152-nain thuneihna min pek angin, Khawzawl District chhunga hman turin, a hnuaia mi ang hian khapna thupek ka chhuah e.
1. Khawzawl District chhunga Zirna in zawng zawng awmna atanga 100 yards bialah (300 ft bialah) Vaihlo leh a kaihhnawih emaw, e-Cigarette emaw, damdawi ruih theih emaw zawrh khap tlat a ni.
2. Khawzawl District chhungah kum 18 hnuai lam hnena Vaihlo leh a kaihhnawih hralh leh pek khap tlat a ni.
He khapna thupek zawm lote chu Bharatiya Nyaya Sanhita (BNS), 2023, Section 223 hmang leh a kaihhnawih dan ding lai Section 6 of "Cigarettes and other Tobacco products (Prohibition of Advertisement and Regulations of Trade and Commerce Production, Supply and Distribution) Act 2003" leh Section 77 of "the Juvenile Justice (Care and Protection of Children) Act 2015" hmanga hrem theih an ni ang.
He thupek hi vawiin January Ni 17, 2024 hian District Magistrate Seal-a nemnghetin ka hming ka ziah hnan e.
