1377/2026-2027
Saitual, the 13th July, 2026: Saitual District chhungah African Swine Fever (ASF) hri a darh zel loh nan District Bawrhsap Pu Srinivas Sadi chuan a hnuaia tarlan ang hian thu a chhuah.
Tunlai hian kan thenawm district leh Saitual Town chhungah African Swine Fever (ASF) a leng mek a. Saitual District chhungah ASF hri hi a darh zel loh nan khapna thupek chhuah a tul a.
Chuvangin, kei, SRINIVAS SADI, District Magistrate, Saitual District hian Section-163 Bharatiya Nagarik Suraksha Sanhita (BNSS), 2023-in thuneihna min pek angin a hnuaia thupek hi ka chhuah e:
1. Saitual Town chhungah ASF hri a len mek avangin, Saitual Town chhunga veng hrang hrang a vawk leh vawksa hmun dangah hralh chhuah phal a ni lo.
2. Vawk leh vawksa ASF hri lenna khua atangin lakluh phal a ni lo.
3. Vawk damlo reng reng hralh leh ei tura talh khap tlat a ni.
4. Vawk thi reng reng thuk taka phum a, a hmunhma leh a vel Disinfectants nena tihfai nghal zel tur a ni.
5. Vawk damlo, thi leh suat (cull) duh chuan a rang lamin AH & Vety Department, Saitual-ah report vat tur a ni.
He thupek hian vawiin ni 13.07.2026 atanga thla hnih (2) chhung a huam ang. He thupek bawhchhiate chu Section-223 Bharatiya Nyaya Sanhita (BNS), 2023 hmangin hremna pek an ni ang.
