4068/2025-2026
Dated Serchhip, the 20th January, 2025: Tunlai hian Serchhip District chhung Thentlang ramah Sanghal 12 (sawmpahnih) African Swine Fever (ASF) avanga thi hmuh a ni a. Serchhip Chanmari veng ah ASF avanga vawk thi hmuh a ni bawk a, Serchhip District chhunga ASF hri hi a darh zel loh nan a hnuaia mi ang hian Serchhip DC Pu Paul L Khuma chuan Section 163 of Bharatiya Nagarik Suraksha Sanhita, 2023 tlawh chhanin vawiin khan khapna thupek a tichhuak.
1. Serchhip District chhungah ram dang (Foreign countries), State dang leh District dang atangin Vawk, Vawksa leh Vawksa atanga siam thil reng reng lakluh leh thawn chhuah khap a ni.
2. Serchhip District chhunga khua leh khua, Veng leh Veng te Vawk inlak pawlh khap tlat a ni.
3. Vawk damlo reng reng talh leh hralh khap tlat a ni.
4. Vawk damlo chu dah hran vat tur a ni.
5. Vawk damlo leh thi reng reng chu A.H & Vety. Department thawktu te hnenah hriattir vat tur a ni.
6. Vawk thi reng reng uluk takin Disinfectant nen thuk taka phumbo tur a ni.
He thupek hian thu leh awm hma chu Order chhuah a nih atanga thla 2 (two months) chhung a huam ang.
He thupek zawm lo chu Section 223 of Bharatiya Naya Sanhita, 2023 dan hmangin hrem theih an ni ang.
