4069/2025-2026

Aizawl, January 20th, 2026: Vawiin khan Planning & Programme Implementation Dept. Committee Room ah Mizoram State Policy Coordination Committee (MSPCC) Vice-Chairman Dr. KC Lamalsawmzauva kaihhruaiin Handholding Scheme chungchangah meeting neih a ni a. Chief Minister hova lo sawiho tawh leh a remtihna bawhzuiin Union Bank of India nen thawhhona thuthlung MoU ziah a ni.

MoU sign naah hian Mizoram Sorkar aiawhin Pu Lalmalsawma Pachuau, Secretary to Govt. of Mizoram chuan a hming ziakin, Union Bank aiawhin Dr. Suvajit Samanta, Regional Head, RO Jorhat chuan a hming a ziak a ni. Tihian Handholding Scheme hnuaiah hian  Partner Bank panga - SBI, MRB, MCAB, IDBI Bank leh Union Bank of India an awm ta a ni.

Vawiin meeting-ah hian Scheme hnuaia Phase 2 a dilna luh dan leh Nodal department te hmalakna thlirho a ni a. Partner Bank ten loan an pek tawh dan te sawiho a ni bawk.

Phase-I hnuaiah Loan dilna 11439 lut zatah 751 approved niin, CM Special Package 29571 lut zatah 2255 pek a ni a. Phase-II hnuaiah loan dilna 453 lut tawh zatah 36 chu approved tawh niin, CM Special Package dilna 40878 lut tawhin, approved zat hi 463 a ni. Phase-I leh Phase-II hnuaiah a vaiin SBI chuan an bank a dilna lut zinga 47% (81) loan an pechhuak tawh a. MRB chuan 55% (244) pechhuak tawhin, MCAB chuan 75% (44) an pechhuak tawh bawk.

Vawiin MSPCC Meeting chuan loan leh CM Special Package dilna a hnuai ami ang hian a approve:

LRS&WC Dept : Loan - 2, CMSP - 7

C&I Dept : Loan - 1, CMSP - 160

Agriculture Dept: CMSP - 21

Fisheries Dept : Loan - 5, CMSP - 15

Cooperation Dept: CMSP - 3

TOTAL : Loan - 8, CMSP - 46