799/2023-2024
Tunlai hian District thenkhatah African Swine Fever (ASF) hri leng vangin Vawk engemawzat an thi mek a. He hri hlauhawm tak laka Aizawl District mipuite kan him a, kan lo fimkhur zawk nan CrPC 1973 Section 144 in thuneihna a pek angin Lalrinzuala, District Magistrate & Deputy Commissioner, Aizawl District chuan a hnuaia mi ang hian Aizawl District chhunga hman turin vawiin khan a tichhuak.
1) State dang, ram dang leh hmun dang ASF hrilenna atangin Vawk, Vawksa leh Vawksa atanga siam eitur reng reng lakluh khap tlat a ni.
2) Vawk damlo reng reng talh leh hralh khap tlat a ni. Vawk damlo chu dah hran vat tur a ni. Vawk thi reng reng thuk taka phum bo tur a ni.
3) Vawk damlo leh thi an awmin AH & Vety Official te hnenah hriattir vat tur a ni.
4) Hri leng darh zel loh nana Vawk suat duh ten District AH & Vety Office ah dilna thehluh tur a ni a. AH & Vety Department Official te hriattir hmasa lovin hma an la tur a ni lo.
5) Director, AH & Vety Department atanga phalna neite tan ASF hrilen lohna State atangin vawksa atanga thil siam (frozen pork) lakluh phal a ni a. Amaherawhchu, Standard Operating Procedure zawm ngei tur a ni a, APEDA emaw FSSAI-in a pawmpui firm an ni bawk tur a ni.
