1510/2022-2023
Champhai, the 8th August, 2022: Vawk natna hri hlauhawm tak African Swine Fever (ASF) leng mekin ziaawm lam a la pan theih loh avangin he hri laka Champhai District a him theihna turin District Magistrate, Pu James Lalrinchhana chuan Sec. 144 CrPC, 1973 (Act II of 1973) in thuneihna a pek angin a hnuaia khapna thupek hi a chhuah.

1) Champhai District chhungah Myanmar atang leh State dang atanga vawk, vawksa leh vawksa atanga siam reng reng lakluh phal a ni lo.
2) Champhai District chhungah State dang leh District dang atanga vawk, vawksa leh vawksa atanga siam reng reng lakluh khap tlat a ni.
3) Champhai District chhunga khaw pakhat atanga khaw danga vawk phurh kual hrim
hrim pawh khap tlat a ni.
4) Vawk thi a awm reng rengin paih mai lovin thuk tak (6ft.) ah chinai nen phum zel tur a ni.
5) Vawk thi rinhlelhawm a awmin mahni bialtu Doctor/VFA/CAHW te hnenah report zel tur a ni.
6) Vawk damlo hralh leh talh khap tlat a ni.

He thupek zawm lo tu chu IPC Sec. 188 hmanga hrem an ni ang, thupek hian chhuah a nih atanga thla hnih (2) chhung a huam ang.