Vawiin khan ASI Regional Director (Eastern Region) Pi Nandini Bhattachrya Sahu chuan Vangchhiaa excavation site tlawhin,  Vangchhe khawtlangin  ASI Regional Director (Eastern Region) hi  “Inthawi mual”-ah  lo hmuakin, ASI Aizawl Circle hotupa Dr Sujeet Nayan leh a staff ten Vangchhiaah an lo dawngsawng a ni.

Hmuahna hunah hian khawtlang aiawhin VC Secretary Pu.F. Lalhmingthangan lawmna thu a sawi a. ASI-in khawvel hriata Vangchhe hmun hlui an pho chhuak chu lawmawm a tih thu a sawi a ni. 

Regional Director chuan ASI chuan sulhnu hlui zirchian tur haichhuah bakah, chung sulhnu hluite chu khualzinte pawhin an tlawh chak tura a hmunhma leh kawng hrang hranga hmalak tum tih a sawi a. Vangchhiaa sulhnu hlui chu mawi danglam tak khawvel hmun dang atang pawha tlawhnaawm a ni dawn a ni, a ti a. A ram leh a hmunhma chu ASI enkawlna leh venhimnaa a awm chuan hma chak taka lak chhunzawm a nih tur thu a sawi bawk.

Inlawmna hunah hian Vangchhia Presbyterian English School te chuan hnam lam (cheraw) an entir a, Regional Director leh a thuihhruaite hian Vangchhiaa excavation site  leh Kawtchhuah Ropui lungphunte an tlawh nghal a ni.