Vawiin khan DC Conference Hall, Mamit-ah Pi Esther Lalruatkimi, Education Commissioner/Secretary hovin Aspirational District chungchanga Zirna lama harsatna leh  hmalakna tur chungchang ngaihtuahin thutkhawm a ni.

Pi Esther Lalruatkimi chuan Zirna chu Aspirational District atana tehfung pawimawi tak a nih angin Learning outcome,  Quarter tina kan hmasawnna dash board thlir thin a nih avangin District chhunga zirna lama thawkte chu theihtawp chhuaha hmala turin a  chaha, he tehfunga hmasawnna kan hmuh ngeih theih nana theihtawp chhuah  turin a ngen nghal bawk a ni. 

Aspirational District- ah hian Zirna in te'n  inthiarna leh tuithianghlim an hmuh theih nana hmalak tum a ni a, he hmalakna hnuaiah hian Govt School, SSA leh RMSA hnuaia School te chu tuam tum an ni ang. 

Dr Saraju Devi, State Coordinator for Aspirational District, Govt. of India pawh District-a Sawrkar Zirna In te dinhmun endik tura ruat a nih angin meeting-ah hian telin, Mamit khawpui chhung Zirna in hrang hrang parukte a endik nghal a ni.

Vawiin Meeting-ah hian Mamit District chhunga Zirna in hrang hrang Silsury, Bazirung, Nalzawl,Darlak, Thinghlun, Luimawi, Kanhmun, Bawngva, New Eden leh Tumpanglui khuaah te School kal tawhlo  naupang te'n School an kal leh theih nana hmalakna(Back to School Campaign) neih tawh a nih thu tarlan a ni.

Pu Bhupesh Chaudhary IAS, Deputy Commissioner chuan  Aspirational District a hmalakna leh harsatna te a hmuna rawn tlawh tura rawn kalte chungah lawmthu a sawi a, Pu Lalsailova, DPC Mamit, chuan  Mamit District chhunga zirna in hrang hranga hmalak tawhna leh hmachhawpte a lem nen a entir bawk a ni.

Attachment

  • Loading attachment...