Vawiin hian Serchhip Bawrhsap pisaah Serchhip District Level Committee on Celebration of Teachers’ Day, 2018 te chu an Chairman Pi Sangchhin Chinzah, DC hovin an thukhawm a. Kumina Teachers’ Day September ni 5 a lo thleng tur hman dan tur an rel.

Chairman Pi Sangchhin Chinzah chuan, zirtirtute pawimawhna leh an hlutna hi chhutchhuah phak pawh a ni lova, a phu tawhk ang pawhin kan chawimawi thiam thin lo a ni, a ti a. Kumina Teachers’ Day lo thleng tur pawh zirtirtute nasa taka chawimawina ni, an pawimawh zia kan hriat thar lehna ni atan hman thiam a that thu a tarlang.

Meeting chuan, Teachers’ Day chu School tinin kokim taka an hman theih zawk nan an zirna inah anmahni remchan dan theuhvin lo hmang leh se tiin a rel a. Sub- Division te erawh chu a hman dan tur anmahni lo rel tura dah sak a ni.A ni den chhenin Serchhip khawpui huam chhung hmun 4 ah banner nalh tak tar ni se an ti. A ni puala District Bawrhsap thuchah buatsaih a, Cable TV a pek chhuah ni se, an ti bawk. District Education Officer Pu Lawmawma chuan, National Foundation for Teachers’ Welfare thawhlawm Serchhip District-a a luh that thin thu a sawi a. Kuminah pawh he fund hi zirtirtu (private school a thawkte pawh huam telin) zawng zawng hnenah Rs. 50 theuh khawn leh tur a ni a, District chhunga zirtirtu zawng zawngin kim taka an thawh theih nan hmalak ni se tiih a rel a a ni. He fund tling khawm hi zirtirtu natna tuarte chhawm dawl nana hman thin a ni.

Vawiina meeting ah hian member te an kal tha hle a ni.