Vawiin khan DC Conference Hall, Mamitah Pu Bhupesh Chaudhary, Mamit District Bawrhsap kaihhruaina hnuaiah Aspirational District leh Gram Swaraj Abhiyan hnuaia hmalakna tur leh kan hnufualna tehfung hrang hrang Indicators, April leh May thla chhunga Dashboard-a kan dinhmun thlirhona neih a ni.

Mamit District chu Aspirational District zing ami anih avangin thlatina Parameters hrang hranga kan hmasawnna, kan hmalaknate leh kan dinhmunte chu NITI Aayog hnuaia Prabhari Officer kaltlanga uluk taka vilzui kan nih avangin Department hrang hrangte chu hei aia nasa lehzuala thawk a, an Department chan hnuaia Aspirational District tehfungah tun aia nasa lehzuala tan la turin Mamit District Bawrhsap chuan Officials te a ngen a ni.

Vawiin Meeting-ah hian Pradhan Mantri Jan Dhan Yojana (PMJDY) hnuaia Bank Account hawn zat, Prandhan Mantri Jeevan Jyoti Bima Yojana (PMJJBY) hnuaia Life Insuarance, Prandhan Mantri Suraksha Bima Yojana (PMSBY) hnuaia Accidental Insuarance bakah MUDRA Loan hnuaia a mamawhtute hnena Loan pek chhuah zat thlirho a ni bawk.

District hriselna Parameters hrang hrang thlirho niin Ante - Natal Care hnuaia nu naupai Sub Centre-a inziak zat thlirho niin April thla khan mi 127 leh May thla khan mi 179 an nih thu tarlan a ni a. Kan District hnufualna Indicator langsar pakhatah chuan Damdawi hmuna nu nau nei an tlem thu tarlan niin May thla khan Pregnant Estimate atangin 20â„… chauh a nih thu tarlan a ni a. Hemi kawngah hian mipuite hnena Awareness Campaign tam lehzuala neih a tul thu Meeting-ah hian tarlan a ni bawk.

Vawiin Meeting-ah hian Aspirational District leh GSA hnuaia a kaihhnawih Department Official-te an tel tha hle a ni.