Nimin khan MYC Chairman Pu Joseph Lalhimpuia  hovin a pisa-ah Mizorama Kohhran hrang hrang thalai pawl hruaitute an thukhawm.

MYC Chairman chuan thu sawiin mizo thalaite dinhmun leh hmakhua zir chian a, a tul anga kohhran hrang hrang thalai hruaituten hmalak hona neih hi mizo hnam dam khawchhuah nana kan mamawh a ni, a ti a. Mizo thalaite tana Mizorama kohhran thalai pawl hruaitute an inlungrual thei chu lawmawm a tih thu a sawi a. He hunah hian meeting hmasa lama an lo rel tawh angin thalai hruaituten mizo thalaite hmasawnna atan India ram khawpui hmun pawimawh-Kolkata,Chennai,Bangalore,Mumbai,Goa zir chianga zin hona tur ruahmanna siam fel a ni a, August thla chawhma lama zin chhuak thei tura thu rel a ni. Hruaitute hian Mizo thalaite dinhmun leh hmakhua hre chianga thalaite tana hmalak dan tur zirchianna an neih theih nan Mizoram Kohhran Hruaitu Committeee (MKHC) hnenah dilna thehlut turin rel a ni a. MKHC in an phalsak thei a nih chuan zirhona neih thuai ni se tih an rel bawk a ni.