508/2024-2025

Dated Aizawl, The 17th May, 2024: Assam Gazette Notification no. MER. 206054/786 ni 07-11-2023 in a tarlan angin, Assam a BSc Nursing Course, 2024, Sawrkar leh Private Institute te a entrance examination chu ni 09-06-2024 hian neih tur a ni a. Online application hi University website: www.ssuhs.in ah ni 09-05-2024 atanga ni 24-05-2024 thleng thehluh theih a ni ang.

Examination fee te hi online chauh leh, University Payment Gateway kal tlang chauhva pek tur a ni ang. Fee te hi pek let theih loh (non-refundable) a ni ang a; Rualbanlo (PwD, 40% above disability) te tan fee hi chawi a ngai lo vang.

Exam chungchanga thu kimchang chu University website: www.ssuhs.in ah en theih a ni ang.

Entrance Exam hi Guwahati, Dibrugarh, Silchar, Jorhat, Barpeta, Tezpur, Diphu, Lakhimpur, Kokrajhar, Shillong, Aizawl, Itanagar, Agartala, Imphal, Dimapur leh Gangtok-ah te Ni 09-06-2024 hian neih a ni ang.

Exam-na hmun tur chungchang a thutawp chu a chunga tarlan tak state khawpuite a dilna lut zat a zir a siam rem leh theih a ni ang.

Admit Card hi online-in www.ssuhs.in -ah ni 03-06-2024 atanga download theih a ni ang. Candidates-te hian online form an submit lai a an application number leh password-te chu Admit Card download nan a a tul avangin vawng tha tura ngen leh hriattir an ni.

Dilna chungchanga hriat belh duh neite tan helpline number: 7977259728-ah hian zawh chian thei a ni ang.