509/2024-2025

Aizawl the 17th May, 2024: Vawiin khan Mizoram State Legal Services Authority (SLSA) leh Department of Clinical Psychology, Mizoram University tangkawp chuan TNT, Muanna Vengah tlai dar 4:30 khan Mental Health Camp an buatsaih a, valedictory function-ah Pu Justice Vijay Bishnoi, Chief Justice, Gauhati High Court leh Mizoram SLSA Patron-in-Chief chu chief guest (khuallian) a ni.

Chief guest Pu Justice Vijay Bishnoi chuan TNT thiltih ropui a tih zia leh a dintu Dr. Sangthankima fakawm a tih zia a sawi a. MZU Department of Clinical Psychology atanga lo kal ten rilru lama harsatna neite puihna lamah hna tha taka an thawh theih avangin lawmthu a sawi bawk. Mizoram SLSA hi mi zawng zawngin rorelna dik an chan theih nana dan chungchanga puihna (legal aid) a thlawna pe thei an nih bakah rilru lama harsatna nei te, vohbik te leh mi hnuaihnung leh harsa dang tana programme tam tak an buatsaih tawh thu a sawi a, mipuiin kan hriat reng a kan hman tangkai ngei a beisei thu a sawi bawk.

He hunah hian Gauhati  High Court Judge leh Mizoram SLSA Executive Chairman ni bawk, Pu Justice Michael Zothankhuma leh TNT Chairman leh dintu, Padma Shree Dr. Sangthankima te chuan thu an sawi bawk. Anni bakah hian Gauhati High Court Judge Pi Justice Marli Vankung leh Mizoram SLSA hotute an lo tel bawk a ni.