3749/2023-2024

Dated Aizawl, the 9th February, 2024: Tukin khan Assam Chief Minister Pu Himanta Biswa Sarma chuan a chenna inah Gauhati-a cham mek Mizoram Chief Minister Pu Lalduhoma chu tukthuan tuihnai tak a buatsaihsak.

Chief Minister pahnihte hian ramri chungchang an sawi dun a, chin fel tuma theihtawpa hmalak dun an rel. Assam state assembly thutkhawm lai a nih avangin an thutkhawm zawh hun remchang hmasaa ramri in-charge Minister Mizorama a rawn tirh tur thu Assam Chief Minister hian Mizoram Chief Minister hi a hrilh a. Ramri chungchanga state pahnihte kan inbiak chhung chuan a tu ve ve pawhin ramriah buaina siam loh ni se an ti bawk.