No.7499/2020-2021

 Vawiin khan NIC Conference Room, Mamit DC Office-ah Mamit District Bawrhsap, Karimganj leh Hailakandi District Bawrhsap-te chuan kan hma-a Assam General Election 2021 neih tur chungchangah boruak ralmuang leh felfai tak hnuaia inthlanna kalpui a nih theih nana tul hrang hrang sawiin video conference hmangin meeting neih a ni.

Vawiin meeting-ah hian Assam Election neih turah  boruak ralmuang leh tluang taka inthlanna kalpui a nih theih nana a theih ang anga pui turin Karimganj leh Hailakandi DC-te hian Mamit DC hi an ngen a. Ramri-ah dan lo a, zu/damdawi leh ruihhlo dang tawlhruk thinte uluk taka lo check thin turin Mamit DC hi ngen a ni bawk.

Dr. Lalrozama, Mamit DC chuan boruak ralmuang leh muanawm tak hnuaia inthlanna felfai leh thianghlim taka kalpui a nih theihna turin a theih ang anga puih a in huam thu Karimganj DC leh Hailakandi DC-te hi a hrilh a ni.

Meeting-ah hian Mamit, Karimganj leh Hailakandi SP theuhte an tel bawk a ni.