Nithum chama Mizorama rawn zin Assam Rifles Additional General, Maj. General J.P. Nehra, AVSM chuan nimin khan Governor Lt. Gen. M M Lakhera,PVSM,AVSM,VSM  leh Chief Minister Pu Lal Thanhawla te hmu in, inkawmhona an nei a. Governor chuan Assam Rifles hnathawh bakah sipai leh civil mite inkara thawhhona tha awm chu fakawm a tih thu a sawi. Chief Minister Pu Lal Thanhawla pawhin Assam Rifles ten Mizoram thingtlang hmun hrang hranga chengte chawikan leh tihmasawn hna an lo kalpui tawh leh thawh mek chu a tangkaiin a ropui a tih thu a sawi.

Maj Gen J.P. Nehra, AVSM, Mrs Nirmala Nehra, Brigadier S K Verma , DIG Mizoram Range Assam Rifles leh Assam Rifles officer dangte chuan Peace Home of Ferrando Integrated Women Development Centre (FIWDC), Durtlang tlawhin tanpuina an pe nghal a ni.

Tukin khan Lunglei pana a chhuah hmain, Maj Gen. Nehra chuan Ex-servicemen te kawmin, hnam inpumkhat nan a an hnathawh chu fakin, chhunzawm zel turin a chah nghal bawk. 

Attachment

  • Loading attachment...