DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/asia-karate-championship-2010-hongkong-ah-india-aiawh-turin-mizo-rawlthar-lalchhandamap

ASIA KARATE CHAMPIONSHIP 2010 HONGKONG-AH INDIA AIAWH TURIN MIZO RAWLTHAR LALCHHANDAMA

All Mizoram Karate Association (AMKA) leh Mizoram State Sports Council (MSSC) tirhin 10th Asia Karate Federation Junior and Cadet Championship date 1-8 August, 2010 chhunga Hongkong, China-a neih tura India aiawha khel turin Mizo rawlthar Lalchhandama chuan nizan khan Hongkong a thleng. India Karate Team hi Players leh Officials mi 46 vel an feh chhuak a ni. Ruahman lawk ang chuan August 9, 2010-ah Hongkong atanga lo let lehin, August 11, 2010-ah Aizawl an rawn lut leh dawn a ni.

Pu Lalbiaktluanga leh Pi Lalpekhlui, Republic Hmar Veng, Aizawl te fapa, Govt. Mizo HSS, Aizawla Class-XII zirlai Lalchhandama hian December 2009-a 23rd All India Karate Federation (AIKF) Junior & Cadet Championship-a Gold Medal a lak avangin India ram aiawha 10th Asia Karate Federation Junior and Cadet Championship khel tur hian Federation chuan a rawn thlang a; kum 16-18 inkar & Kg 76 hnuai lam category-ah a khel dawn a ni.