23 Sector/IGAR (East) kaihhruaina hnuaiah Aizawl Battalion Assam Rifles te chuan June Ni 17 atanga July Ni 20, 2019 chhung khan sipai tang duh thalai mipa leh hmeichhia te tan Pre-recruitment training Aizawl ah a buatsaih.

Army/Assam Rifles Recruitment Rally hi mipa tan November Ni 18 atanga Ni 21, 2019 chhung hian Aizawl ah neih a ni dawn a Hmeichhe tan September Ni 9 leh Ni 10, 2019 ah 58 GTC, Shillong ah neih a ni dawn bawk a ni. He sipai lak runpui a mizo thalai tam thei ang ber an tlin theih nan Pre-recruitment training ah hian Aizawl Battalion Assam Rifles te chuan Physical leh Academic lamah zirtirna an pe a ni.

Kar 5 awh pre-recruitment training ah hian mizo mipa 60 leh hmeichhia 40, Sipai lak runpui atan a registration leh document endik hnua medical examination ti tawh te an tel a, physical training bakah a bika lak zirtitu ten training chhung hian zirtirna an pe bawk a ni.