New Delhi-a cham mek Pu Robert Romawia Royte, Sports Minister chuan nimin khan Union Tribal Affairs Minister leh Indian Archery Association President ni bawk Arjun Munda kawmin Mizorama Archery leh Tribal sports tihchangtlun dan turte an sawi dun a, Union Minister hian Mizoram Sports tihhmasaw nana tanlak a inhuam thu a lo hrilh a ni.

ICT Minister Pu Robert Romawia Royte hian Pu Ravi Shankar Prasad, Union Minister for Communications & Information Technology pawh kawmin Mizorama mobile phone leh internet tha tawk lo tichangtlung turin a ngen a, Digital India Program chungchang leh Mizoram hmun tin Internet leh Mobile-in a pawh vek dan turte an sawi dun a ni. Mizoram ICT Minister-in Aizawla BPO hawn a rawtna pawh tha a tih thu Union Minister chuan hrilhin theihtawp a chhuahpui tur thu Mizoram Minister chu a hrilh bawk.

Pu Romawia Royte hian DoNER Ministry Officials te, Youth Affairs & Sports Ministry-a Officials leh Tribal Affairs Secretary te pawh a kawm bawk a ni.