No.4212/2021-2022

Aizawl, the 9th March, 2022: Tukin zingkar khan Sports Minister Pu Robert Romawia Royte leh Aizawl S-III bialtu MLA Prof F.Lalnunmawia te chuan a hmunah kalin Falkawn Field laih zauh dan tur an endik.

Falkawn Field thar tur hi Bialtu MLA-in a fund atangin Rs 6,00,000/-(cheng Nuai ruk) sengin a lo lai tawh a, Assembly Session-ah laih chhunzawm a rawt a, Sports Minister Pu Robert Romawia Royte chuan Assembly House-ah laih chhunzawm turin Assurance a pek bawhzuiin laih chhunzawm a ni dawn ta a ni.

Field enhona hmuna Function tawite buatsaihah thusawiin Sports Minister Pu Robert Romawia Royte chuan Falkawn khawtlangin ZMC sak nana an field hmanlai an pe tih a hriatin ram tana an thilphalna ropui a ti a, bialtu MLA Prof. Lalnunmawia'n Falkawn khawtlang mamawh hriaa a MLA Fund hmanga hma lo laa hna tha taka thawh a ni chu ropui a tih thu a sawi. Sports Minister chuan he field hi a ngaih pawimawh em avangin Minister a nih hnua Assembly House-a Assurance a pek hmasak ber leh awmchhun chu Falkawn Field laih chhunzawm hi a ni, a ti a. Engineer ten an survey nghal anga, hna pawh tan thuai tum a ni ang, a ti.

Bialtu MLA Prof F.Lalnunmawia leh Falkawn VCP Pi Lalremsangi Fanai te pawhin Falkawn khawtlang mamawh em em Football Field laih zauh hna thawh chhoh a ni tur chu lawmawm an tih thu an sawi a ni.

Field enhonaah hian Falkawn VC leh khawtlang hruaitute an tel a ni.