Vawiin chawhma khan Mizoram Assembly House Committee chuan an Chairman Pu R.Lalrinawma, Deputy Speaker hovin Legislators' Home, Tuikhuahtlang, MLA Hostel, Khatla leh Shivajitilah, Khatla a New Ministers' Bungalow te a hmun ah an tlawh a. Chairman leh House Committee Member dang 4, Pu Lalrinliana Sailo, MLA, Pu R.Vanlalvena, MLA, Pu Chalrosanga Ralte, MLA leh Er.Lalrinawma, MLA te hi Er.K.Lalsawmvela, CE(Building), PWD leh Assembly Secretary Pu Ngurthanzuala te bakah sawrkar mi pawimawh ten an tawiawm a ni.

Vawiin a House Committee in a tlawh tak Legislators' Home hian kum 20 hmel a hmu tawh a. Heta Quarter ruak ta te chu MLA chhungkua te chenna atan a lian tawk lovin a langa. A chhung a bungraw thenkhat te chu siam that ngai te leh thlak ngai tak tak te an ni hlawm a ni. MLA Hostel, Khatla a mi phei hi chu kum 1981 a luah tan daih tawh kha a ni a,changtlung zawk leh MLA Quarter tamzawk lenga sa tha tura hmalak, House Committee chuan rel a. Deputy Speaker chenna tur bangla hmun hma Shivajitilah ah leh Assembly ram chhunga awm te pawh endik nghal a ni.