Mizoram Legislative Assembly Secretariat Officer leh staff te chuan vawiin atanga khan karkhat chhung awh tur Basic Office Procedure, MLA Secretariat Conference hall-ah an training dawn a ni.
Vawiina training hawnnaah hian Pu R. Lalrinawma, Dy. Speaker chuan Assembly Secretariat hotuten an staff te hmasawnna duhsak vanga training an buatsaih chu lawmawm a tiin nachang an hria a ti a. Mahni hna thiam leh inzir peihte hi hotute duhsak an hlawh fo thin a, hotute rintlak ni tura inzir thar reng hi kan mamawh bakah kan nitin eizawnna a niin heihi ram leh hnam tana kan thawh ve theihna a ni bawk a chuvangin mahni hna chu kan thiam (master) tur a ni a ti.
Pu Ngurthanzuala Secretary, MLA Secretariat kaihhruai vawiin training hawnna ah hian Dy. Speaker chuan training hi tangkai taka hmang tura fuihin mahni hna thawh thiam loh hian kan thawhpuite bakah midang kan ti buai thei a ni tiin Basic Office Procedure vawiin 10.8.2015 atanga 14.8.2015 thleng awh tur a hawng a ni.
