Vawiin khan Mizoram Legislative Assembly 6-na Session 13-na chu tan a ni a. Session tan ni hian Larsap Pu Vakkom Purushothaman chuan thu a sawi a, a thusawi ah hian Mizoram leh mipui hmasawnna atana Mizoram Sawrkar hmalak tawh nate leh hmalak mek hrang hrangte tarlang in Sawrkar hlawh tlin nate leh hmachhawp hrang hrang te pawh a tarlang tel bawk a ni.

Larsap thusawina ‘Motion of Thanks’ chu Chalfilh bialtu MLA Dr. Ngurdingliana’n a pu lut a, motion of thanks hnu hian Assembly Speaker Pu R. Romawia chuan vawiin atan Session chu a titawp. Tum tum Assembly Session hian April ni 3 thleng a awh dawn a ni.