Vawiin khan Pu Hiphei, Speaker, Mizoram Legislative Assembly chuan Bureau of Parliamentary Studies and Training (BPST), Lok Sabha Secretariat buatsaih ‘Training Programme on Reference/Speaker’s Research Initiative/Research and Other Support Services for Officials of Mizoram Legislative Assembly Secretariat’ chu Conference Hall, Mizoram Legislative Assembly Annexe, Aizawl-ah a hmanpui.

Pu Hiphei chuan training-ah hian mithiam lokal ten zirtirna an pek tur chu Mizoram Legislative Assembly Secretariat-a thawk te zawng zawngin an hman tangkai a beisei a, thawk tha tur leh midang tana chen fak awm ni tur chuan mi inzirmi leh training pawh dawng tha nih a ngai, tiin a sawi a. Speaker’s Research Initiative Programme hi North East Region Commonwealth Parliamentary Association Conference vawi 16-na, Imphal-ah sawi ho niin, hmarchhak state-ah hian neih ni se tih chu a lo hlawhtling chho ta hi lawmawm a ti a. Training hian thawh ho na tha, rintlak, leh thuthar thehdarh kawngah pawh hmasawnna rahbi a kai tir ngei a rin thu a sawi. Thil thar la hriat ngailoh zirbelh turin leh Mizoram Legislative Assembly Secretariat tana hmasawnna tur zirchhuak tur pawhin a chah a ni.

BPST, Lok Sabha Secretariat atanga lokal te hi Shri Raghunandan Sharma, Hononary Advisor (BPST) chuan rawn ho in, Dr. Seema Kaul Singh, Additional Director, Lok Sabha Secretariat leh midang ten an rawn tawiawm a ni. Training hi ni hnih awh tur niin, Mizoram Legislative Assembly Secretariat -a Officer leh Group ‘B’ staff te zawng zawng an tel.

Training ni hmasa zawk (26.4.2018) a zirtur leh zirtirtu te:

Role and Functions of Legislative Officials – Shri Raghunandan Sharma

Parliament Library: Innovation and Challenges – Smt. Kalpana Sharma

Speaker’s Research Initiative – Dr. R.N. Das

e-Parliament – Smt. Sushma Rungta

Traning ni hnuhnung zawk (27.4.2018) a zirtur leh zirtirtu te:

Capacity Building for Legislative Officials - Shri Raghunandan Sharma

Role of Research and Information Service in Parliament and State Legislature – Dr. R.N. Das