Vawiin chawhma dar 11:00 khan Assembly Speaker Pu R. Romawia chuan MC Hall, Durtlang-ah Ranva a sem. Mizoram sorkarin mirethei chhawmdawl ngai, chenna In Rangva khuhna neilo te tana Rural Housing Scheme atangin Aizawl North-I hnenah Rangva bundle 4 zelin a sem a ni.

He hun pawimawh taka Rangva dawngtu leh khawtlang mipui kalkhawm te hmaah Speaker Pu R. Romawia chuan Mizoram sorkarin mirethei te leh hnuaihnung zawkte khaichhuah leh an mamawhna zawna chhawmdawl a ngaih pawimawh zia sawiin , Sorkar chuan chak takin hma a la zel a. NLUP hmangin chhungkaw tam tak chu a khaichhuak mek a ni, a ti. Speaker chuan Central Sorkar-a roreltute leh Mizoram Sorkar-a roreltute hian rorelna an la ken chhunzawm zel a beisei thu sawiin heng chhawmdawlna Scheme tha tak hi Sorkar chuan a kalpui zel dawn a. Chuvangin, vawiina mamawh tak tak leh chhawmdawl ngai ngawih ngawih la dawng velo te hi hlamchhiah lovin Sorkar chuan hma a la chhunzawm zel dawn a ni, a ti. Rangva dawngtute hian awlsam taka an Rangva dawnte an lak theihna hmun tur area theuah dah sak an ni.