Ni 28, May, 2013 khan Excise & Naroctics, Anti-Narcotics Squad te chuan an thu dawn bawhzuiin Thuampui Bus Terminal-ah Night Bus, Zokhawthar to Aizawl service Benjamin Travels MZ-01-F-9135 atangin Heroin (No-4) Hawng 4 man a ni a. A chahtu leh a neitu ni a hriat 1) Lalremruata, kum 28, S/o Zoramtana (L) Bethlehem Vengthlang, Aizawl, (Heroin gram 7 kawltu), 2) Zothansanga, kum 29, S/o Lalchhuanmawia, Khawzawl Kawnzar Veng , tuna Kulikawn Aizawl-a awm mek leh 3) Zothankimi, kum 28, D/o Lalchhuanmawia Champhai Vengsang, tuna Kulikawn, Aizawl-a awm mek (Heroin gram 22 kawltu) te chu man nghal an ni.

Heng mi man te hi NDPS Act, 1985 hmangin thubuai ziah luh a ni a. Heng Heroin man te hi Aizawl market rate ah chuan Rs. 1,20,000 man hu vela chhut a ni. Kumin chhung hian Excise & narcotics, Anti-Narcotics Squad te hian Heroin 169 grams leh 402 miligrams an man tawh a, heng Heroin an man atang hian a neitu ni a hriat mi 25 an man tawh bawk a ni.