Vawiin chawhnu dar 1:00 khanPu R. Romawia Mizoram Legislative Assembly Speaker chuan a bial chhung Durtlang Leitan a Basketball Court, Sports Council kaltlang a Rs. 10,41,945/- senga siam chu a hawng.
He Basketball Court hawnna inkhawm hi Leitan Local Council Chairman Pu Thangthuama'n a kaihruai a. Assembly Speaker Pu R. Romawia chu khuallian niin Sports Minister Pu Zodintluanga chu khual zahawm a ni.
Pu Romawia chuan a bial chhung hmasawnna hrang hrang atana Sorkar hmalakna te tarlangin a bik takin Sports Minister in a enkawl Department atanga theih tawpa hma a lakpuinaah lawmthu a sawi a. Thalai infiammite mamawh football leh Hockey khelmual te pawh ngaihtuahpui zel turin a ngen nghal a ni. Speaker chuan Sericulture leh Soil & Conservation Department te ram chu Zirtiri Science College leh SIRD atan a hman turin Department hotute nen indawr mek a nih thu a tarlang a. Infiam mite duhsakna hlanin Basketball Court tha tak an neih chu tha leh uluk taka hmang turin a chah nghal a ni.
Khualzahawm Pu Zodintluanga, Sports Minister chuan Speaker leh Bialtu MLA ni bawk thahnemngaihna tarlangin a enkawl Department hmalakna tihpuitlin na atana Chief Minister leh Speaker te tanpuina leh an theih anga an puihbawmna h lawmthu a sawi a. Aizawl North I bial chhung bika Sorkar hmalak mek te leh hmachhawp te a tarlang nghal bawk a n.
Speaker leh Sports Minister hi Sorkar lam Official bakah Mizoram Basketball Association Member ten an tawiawm ani.
Pu Romawia chuan a bial chhung hmasawnna hrang hrang atana Sorkar hmalakna te tarlangin a bik takin Sports Minister in a enkawl Department atanga theih tawpa hma a lakpuinaah lawmthu a sawi a. Thalai infiammite mamawh football leh Hockey khelmual te pawh ngaihtuahpui zel turin a ngen nghal a ni. Speaker chuan Sericulture leh Soil & Conservation Department te ram chu Zirtiri Science College leh SIRD atan a hman turin Department hotute nen indawr mek a nih thu a tarlang a. Infiam mite duhsakna hlanin Basketball Court tha tak an neih chu tha leh uluk taka hmang turin a chah nghal a ni.
Khualzahawm Pu Zodintluanga, Sports Minister chuan Speaker leh Bialtu MLA ni bawk thahnemngaihna tarlangin a enkawl Department hmalakna tihpuitlin na atana Chief Minister leh Speaker te tanpuina leh an theih anga an puihbawmna h lawmthu a sawi a. Aizawl North I bial chhung bika Sorkar hmalak mek te leh hmachhawp te a tarlang nghal bawk a n.
Speaker leh Sports Minister hi Sorkar lam Official bakah Mizoram Basketball Association Member ten an tawiawm ani.
