Vawiin khan Health & Family Welfare Minister Pu Lalrinliana Sailo hoin Secretariat Conference Hall-ah Mizoram Smoke Free Group leh Smoke Free Coaliation te an thukhawm a; nikum atanga vawiin ni thlenga an hmalakna hrang hrangte an thlir hova. Smoke Free Mizoram report te sawihoin kumin a hmathar lakna turte an duang ho nghal bawk.
He Joint Meeting kaihruaitu Pu Lalrinliana Sailo chuan India rampum intehna a Vaihlo leh a kaihhnawih khawih nasa ber a Pakhatna, Cancer leh Malaria vei tam lama a ber ni bawk, achhe zawng hlira a ber kai nih hi a zahthlaka hei hi Mipui zawng zawng Kohhran, NGO leh Sorkar tan chona a ngaia nasa taka inlungruala beihpui kan thlak a ngai a ni a ti. Social Welfare Minister Pu PC.Lalthanliana pawhin vantlang mipui zawng zawng nen nasa taka kan do tlan a hun tak zet a ni a ti. He meetingah hian Parliamentary Secretary Pu S.Laldingliana, Pu K.Liantlinga MLA, leh Health & Family Welfare Secretary Pu K.Lal Nghinglova bakah Department mi pawimawh leh mi challang engemaw zat an tel a ni.

He Meeting chhunzawm hian Health & Family Welfare Secretary Pu K.Lal Nghinglova Chamber-ah Mizoram State Tobacco Control Society an thukhawm zui a; kumin January atanga March thla chhunga Aizawl khawpui leh District khawpui hrang hranga an hmalaknate an thlir hova. An hmalaknaah lungawithlak hlein an hria a, tun atanga hmathar lak lehna tur pawh duangin ngawrh zawka kalpui leh nise an ti.

Tun dinhmuna India ram state hrang hrang zinga Statistics thar bera 'Global Adult Tobacco Survey India 2009-2010 report 19October 2010 a Union Health Minister in a tlangzarha Tobacco a Mizoram pakhatna kan nih thu leh Three year Report of Population Based Cancer Registries 2006-2008 nikum 2010 a thlangzarha Mizoram kan san ber chung changte sawiin heng avang hian nasa zawka Vaihlo leh a kaihhnawih dona kawngah hmalak nasat a ngai an ti.