Art & Culture Mininister Pu P.C. Zoram Sangliana chuan Kolasib District mipuiten a tul apianga an hman turin a ma MLA Fund atangin Ambulance lei a ni ang a ti. He thu hi vawiina Kolasib Project veng AMFU Hall-a neih MUP Sub Hqrs. General Conference vawi 7 na a khuallian nia a hmanpuina a sawi a ni. Ambulance chu a ma MLA Fund kumthar-ah lei tura a ruahman thu leh hei hi Kolasib DC leh midangte nen a dahna tur leh a hmandan tur la ruahman chhoh tur anih thu a sawi a ni.
Minister chuan Kolasib-a MUP te tana Recreation Centre din tul a tih thu pawh a sawi a. A hmun tur hi lo zawng tur leh chutah chuan kum lama upa zawkte in tihhlimna tur thil hrang hrang Carrom Board, Checker leh Indoor Games a mamawh dan a zira dah nise tiin MUP member-te chu a hrilh a ni. Pu Zoram Sangliana chuan kum upa te tunlai miten kan chawimawi thiam tawk loa a hriat thu leh chumi chungchangah chuan upa ten min ngaihdam ka duh a ni a ti a, tun dinhmunah upa ten an tu an fate min tir kal zo ta lo hi Mizote kan in enchian a tul a ni a ti a. Amah ngei pawh ziak emaw tawngka emaw a thurawn pe turin upate chu a chah a ni. Hnam pholanna tha ber chu kan hnam zai leh lam te hi a ni fo thin tih sawiin Minister chuan Kolasib chu hemi kawnga thawh hlawk lova a hriat thu leh tan lak tul a tih thu a sawi a. Kumin a Chapchar Kut an hmang ve lo pawh kha pawi hle a a hriat thu sawiin kut pui danglam tak District pum huapa Zolentu hmanna a tana Rs. nuai 6 sorkar atanga an dawn chu huapzau leh ropui thei ang bera hmang turin a chah a ni.
Upate chu thil tamtak tawng tawh leh fing zawk thluak fim an nih avangin an ngaihtuahna te ram tana hmang thin turin a fuih a, Mizoten dan anga kan neih mithi kan sawngbawl dante pawh chik taka thlir chianga thil tih dan tha zawk ngaihtuah chhuak turin a sawm a, tuna NLUP kalpui mek pawh pawisa dawngtuten a nih dan tura an hman theih nan leh sum hman pel he a awm loh nana beng chhi turin a chah a ni. Minister hian MUP Sub Hqrs. ten a tul anga an hman turin aurinnia PA System a pe a ni.
He huna khual zahawm D.C. Pi Naharika Rai, IAS chuan upate chu kawng tinrengah ram tih hmasawn nana thawhpui atan a sawm a ni.
Pu Lalthianghlima, President MUP Sub. Hqrs chuan Conference hi a kaihruai a, MUP branch hrang hrang Kolasib khawchhung leh khaw pawn atangin report an pe a, hall leng lo khawp member he hunah hian an kal a ni.
Chawhnu lamah rorel inkhawm neih zui a ni a, tlai lamah MZP Kolasib huaihawtin hruaitu thar thlanna neih a ni a, tlaiah ruai an theh nghal a ni.
Upate chu thil tamtak tawng tawh leh fing zawk thluak fim an nih avangin an ngaihtuahna te ram tana hmang thin turin a fuih a, Mizoten dan anga kan neih mithi kan sawngbawl dante pawh chik taka thlir chianga thil tih dan tha zawk ngaihtuah chhuak turin a sawm a, tuna NLUP kalpui mek pawh pawisa dawngtuten a nih dan tura an hman theih nan leh sum hman pel he a awm loh nana beng chhi turin a chah a ni. Minister hian MUP Sub Hqrs. ten a tul anga an hman turin aurinnia PA System a pe a ni.
He huna khual zahawm D.C. Pi Naharika Rai, IAS chuan upate chu kawng tinrengah ram tih hmasawn nana thawhpui atan a sawm a ni.
Pu Lalthianghlima, President MUP Sub. Hqrs chuan Conference hi a kaihruai a, MUP branch hrang hrang Kolasib khawchhung leh khaw pawn atangin report an pe a, hall leng lo khawp member he hunah hian an kal a ni.
Chawhnu lamah rorel inkhawm neih zui a ni a, tlai lamah MZP Kolasib huaihawtin hruaitu thar thlanna neih a ni a, tlaiah ruai an theh nghal a ni.
