No.4341/2021-2022
Aizawl, the 21st March, 2022: Vawiin khan Deputy Chief Minister Pu Tawnluia kaihhruaina hnuaiah SAD Conference Hall, MINECO-ah AMRUT 2.0 kalpui dan tur sawihona (Consultative Meeting) neiin he scheme-in a kaihhnawih Department pawimawh tak tak te nen neih a ni. AMRUT 2.0 hi 1st October 2021 ah Prime Minister Pu Narendra Modi-in a tlangzarh (launch) a. India ram khawpui hrang hranga cheng leh AMRUT 500 Cities-a cheng mipuiten tui thianghlim hnianghnar tak leh khawpui thianghlim leh hrisel tak an lo neih theihna tura duan a ni. He scheme hi Mizoram chhunga 23 Census towns zawng zawnga hmalakna kalpui tura duan a ni. He Scheme hian Mizoram tana hmasawnna nasa tak lo thlen tura beisei a ni.

He Scheme hnuaia hmalakna tur langsar zual te chu:-
1. Chhungkaw tina tui thianghlim pek
2. Aizawl khawpui bik tana ek thli leh tuichhe sawngbawl
3. Tui hna humhalh leh siam bakah park leh hmun hring siam

He hunah hian Mizoram khawpui 23-a cheng mitinin tui thianghlim an neih theih dan tur ruahhmanna sawiho niin, tuihna tihpun leh ruahtui khawl dan tur te sawiho a ni. Aizawl khawpui bik tan 24x7 water supply neih theih dan tur te ruahhmanna sawi ho a nih bakah tui thli (liquid waste) sawngbawlna mumal zawka kalpui dan turte rel ho a ni.

Vawiin meeting-ah hian AMRUT 2.0 in Mizoram ah hma chak taka a lak theihna turin District Level Monitoring & Advisory Committee leh Start Up India Screening Committee din te rel a ni.

Mizoram State tan FY 2021-22 atanga FY 2025-26 (5 years) chhungin Ministry of Housing & Urban Affairs, Govt. of India atangin Rs.14661.00 lakhs allocation siam niin, 90:10 funding pattern a kalpui tur a ni.