National Human Rights Commission (NHRC) leh Mizoram Sawrkar tangkawpin a buatsaih Workshop on Elimination of Bonded Labour System and Related Issues chu vawiin khan Administrative Training Institute Auditorium, MINECO-ah hman a ni a, Justice Shri P.C. Pant, NHRC Member khuallian a ni.

Khuallian Justice Shri P.C.Pant chuan thu sawiin Bonded Labour chungchang hi mipui ten kan hriat a tul tak zet a, India rama chengte chuan kan chanvo leh dikna India Danpui-a inziak hriat chu mitin mawhphurhna a ni, a ti a. 

Chief Secretary Pu Lalnunmawia Chuaungo chuan workshop-a lokal zawng zawngte chungah lawmthu sawiin, Mizo te hi hnam danglam tak mai, tlawmngaihna ngah leh chanchhe zawkte tanpuia, a tul anga indawm tawn thin kan nih avangin, retheihna tam tak leh harsatna tam tak hi engemaw chen sutkian a ni thin a ni, a ti a. Naupang kum tlinglo hnathawh tir leh inchhawrna hi Vigilance Report-ah a awmlo a ni, a ti a. Sawrkarin mumal taka Free Child Labour State-a Mizoram a puan theih nan survey tha zawk leh zau zawka neih chu a that a rin thu a sawi a ni.

Paper hrang hrang zir ho a ni a, chungte chu:

Central Sector Scheme for Rehabilitation of Bonded Labourer-2016, NHRC

Bonded/Child Labour and Inter-State Migrant Workers by Pu Lalhmunsanga Hnamte

Human Trafficking by Pu Lalhuliana Fanai

Workshop-ah hian district tin atanga officers, college zirtirtu, research scholars leh midangte an tel a ni.