Vawiin khan Agricultural Technology Management Agency (ATMA) Kolasib District Governing Board chu DC leh Board Chairman ni bawk Pu H. Lalengmawia, IAS hovin a pisaah an thukhawm.

Governing Board meeting-ah hian kumin 2015-2016 atana hmalakna tur an chhawpchhuah leh Block Technology Team pahnih te hna thawh tur an pharh te chu zau taka sawi ho a nih hnuin Agenda te chu pass vek a ni a. He meeting ah hian ATMA hnuaia District chhunga loneitu leh ranvulhtu te telna leh an mahni tana pawl din tur District Farmers Advisory Board (DFAB) hming rawt te chu pawm vek a ni bawk.

ATMA Kolasib District ah hian DC Pu H. Lalengmawia chu Chairman niin District Agriculture Officer Pu R. Lalnunzira chu Project Director leh Governing Board Member Secretary a ni a. ATMA hnuaiah hian Block Technology Team, Bilkhawthlir leh Block Technology Team, Thingdawl te awmin loneitu leh ranvulhtute tan hna an thawk mek a. District hrang hrangah ATMA tan hian Sawrkar Laipui chuan 2015-2016 atan nuai 24.55 a ruahman a, heta tang hian Kolasib District ATMA atan nuai 2.57 ruahman a ni.