Agriculture Technology Management Agency (ATMA) hnuaia Deputy Project Director (DPD) leh Block Technology Manager (BTM) lak tharte puala ni 3 awh tur Orientation Training chu vawiin Agriculture Department Committee Room-ah tan a ni a.Dr. C. Lalzarliana, Director, Agriculture (Crop Husbandry) leh ATMA State Nodal Officer ni bawk chuan a hawnna programme a hmanpui a ni.
Dr. C. Lalzarliana chuan Deputy Project Director leh Block Technology Manager te chu an hnathawhnaah hun vawn that te leh mahni inthununna te ngaipawhmawh tura chahin inthununna hi mimal min tizahawmtu leh min timawitu a ni a ti a. Mahni hnaah inpekna a pawimawh thu sawiin kan hna hi kan Missionary na a ni tih hriaa theihtawp chhuah turin kalkhawm te a chah bawk.
ATMA hnuaiah hian Discipline hrang hrang, Agriculture, Horticulture, Animal Husbandry & Veterinary, Fisheries, Sericulture te awmin ATMA hnuaia thawk tur hian henga thiamna hrang hrang nei te hi lak an ni.Tunlai thiamna hrang hrang loneitute hnena pekchhuah leh zirtirte, eizawnna ngialnghet an lo neih theihna tura hmalakpui hi ATMA thil tum te a ni.
He Orientation Training-ah hian District hrang hranga Deputy Project Director 15 leh Block Technology Manager 5 te chu mithiam hrang hrang ten zirtirna an pe a dawn.
Training hawnna programme hi Pu R.K. Nithanga, Deputy Director (Oil Palm)-in kaihruaiin Pu George Lalthanngura, Asst. Soil Survey Officer, Co-ordinator ni bawk chuan thuhma hruai a sawi a ni.
