Vawiin khan Industry Department Kolasib hnuaia Trade hrang hrang atangin mi 222 te hnenah NLUP pawisa Rs 65,36,500/- (Nuaih sawmruk panga singthum sangruk zanga) sem chhuah a ni.

NLUP semmna hi Industries Office, Kolasib Tuitha Veng ah neih a ni a. Pu Lalfela Sailo Addl. D.C. NLUP Nodal Officer ni bawk chuan khuallian niin a hmanpui. Pu Lalfela chuan thusawiin tun tum a NLUP sem tur hi a tawp na tur a nih thu leh, tangkai taka hmanga chhungkua in dinchhuah pui nana hmang ngei turin a fuih a. Hmun thenkhat ah NLUP dawngtu ten tangkai taka an hmanlaiin mithenkhat ten hmang tangkai lo an awm thin chu pawi a tih thu a sawi a, chutih rualin tun tum a NLUP sem hi hlawkpui nan leh thatpui nan a hmang lo te chuan NLUP an dawn zui tawh dawn loh thu a sawi bawk. NLUP chu sawrkarin mite an intun nunna tur leh a enkawlpui program a nih thu a sawi a, NLUP hi mi rilru nei chuan an thatpui a, chutih rualin mi rilru neilo leh thatchhia chuan an chhiatpui hlauh thei a ni, a ti.

NLUP semna programe hi Industry Office Tuitahveng, Kolasib hmunah hmang in Sub-Divisional Industry Officer Pu C. Rosiama’n inkhawm a kai hruai a, NLUP dawngtu mipui hnenah an sem dan tur kal hmang te sawifiahin a pawisa fai a dawng lovin, Bank account lamah thun fel sak an nih thu leh lehkha a sign fel ngaite sign fel mai tur a nih thui a hrilhfiah a. Trade hrang hrang 13 (sawm leh pathum) te hnenah sem in an pawisa dawn zat pawh a danglam tur thu a sawi bawk a ni.