Vawiin chawhma dar 11 khan Aizawl District Fire Prevention Awareness Campaign Saitual-ah neih a ni.

Pu Franklin Laltinkhuma, DC Aizawl District leh Aizawl District Fire Prevention Committee Chairman nibawk chuan Khuallian niin a hmanpui a, mipui kalkhawmte chu kangmei chhuak avanga chhiatna rapthlak thleng thei lakah fimkhur turin a chah a, tupawh hian a thelhna leh a venhimna ah mawh kan phur a ni tih a sawi.

Pu V. Lalfala, District Fire Prevention Committee Secretary leh DFO Aizawl nibawk chuan report a pe a, Pu Lalthanmawia, SP, Fire & Emergency Services Department chuan Fire Emergency Evacuation Plan neih theuh a tul thu a sawi.

Pu Rongura Hrahsel, RO, Aizawl chuan Power Point Presentation hmangin kangmei laka inven dan a tarlang a, Pu Donny Lalruatsanga SDO (C) Saitual chuan vote of thanks a sawi a, inkhawm hi Pu Lalchungnunga, Addl. DC in a kaihruai a ni.