Vawiin  khan Agriculture Conference Hall-ah ATMA hnuaia thawktu lak tharte  tan Orientation Training neih a ni.

He hunah hian Pu K.S. Thanga, Parliamentary Secretary, Agriculture chu Khuallian niin ATMA hnuaia thawktu lak tharte lawmpuina leh fuihna thu a sawi. Pu K.S. Thanga chuan tun ang hna harsat laia Govt. of India, Ministry of Agriculture-in Mizo thalai tam tak te tana remchang a rawn siam chu lawmawm a tih thu leh thawktu lak tharte tan vanneihna a nih thu a sawi a, thingtlang kilkhawr ber thlenga mahni hna theuh rinawm taka thawk turin a fuih.

Orientation Training Programme kaihruaitu Dr. C. Lalzarliana, Director of Agriculture (Crop Husbandry) chuan thawktu lak tharte chu rinawm leh taima taka mahni mawhphurhna tihlawhtling theuh turin a chah bawk.

Hu hunah hian Pu Rohmingthanga Colney, Deputy Director (Extension) chuan ATMA kalphung leh a hnathawh dan tlangpui zirtirna a pe a. Pu Khamzagin, Deputy Director (Account) pawhin Sorkar sum vawn dan leh enkawl dan tlangpui zirtirna a pe bawk.

ATMA hnuaiah hian August thla chhung khan hna peng hrang hrang atan thawktu tur mi 96 te chu lak thar an ni.