Vawiin hian Lawngtlai District Agriculture Officer Conference Hall ah Agriculture Technology Management Agency (ATMA) Lawngtlai District buatsaihin Loneitute leh Loneih lama mithiamte inrawnkhawmna hun (Farmer –Scientist Interaction) an buatsaih.

A hawnna inkhawmah Lawngtlai District ATMA Project Director, Pu H. Joela, District Agriculture Officer ni bawk chuan, Bible in ‘Lal pawh thlawhhma ring mi tho a ni’ tia min hrilh avangin thlawhhma enkawl leh ei bar tharchhuah chu hlamchhiah thiang a ni lova, ram hmasawnna rahbi hmasa ber pawh hei tho hi a ni. Chuvangin loneituten tharchhuak tam tura kan beih reng a ngai a, chumi atan chuan hriatna ril zawk kan neih a ngai a ni. Vawiinah hian chutiang atana hmasawnna rahbi thar chhar belh theuh turin duhsakna ka hlan che u a ni a ti.

ATMA ten kum 2014-15 chhunga an hmalakna hnuaia Programme pawimawh tak an buatsaih thin he Farmer- Scientist Interaction hunah hian Lawngtlai leh a chhehvela Loneitu thlanchhuah 40 te leh District Agriculture Office a Loneih/Thlaichin lama thiamna nei te leh KVK Lawngtlai a Thlaichin/ranvulh leh enkawl kawnga mithiam bikten hun an hmang hova, Agriculture chungchangte, Horticulture chungchangte, AH & Vety leh thil dangte inzirtirna hun leh Loneitutw harsatna hrang hrang hmachhawn dante an zirho a ni.

Hei bakah hian Loneitute chu rannung thahna hlo hman dan leh, mihringte hriselna atana him chin leh a khawihvel dan turte a lem (Film) nena en pui an ni bawk.